<?xml version="1.0" encoding="UTF-8"?><song><aka>Iti 'taiyukhʋna pit pisa li</aka>
<author>Pliney Fisk, Tune: Shed not a Tear</author>
<hymn_number>45</hymn_number>
<lyrics>[V1]
 Iti 'taiyukhʋna pit pisa li,
.    
     Mihma an Chitokaka yosh
 Nukhʋmmit ilbʋsha ai a̱hli hosh
.    
     Takanli ho̱ pisa li:
 Nan ai ashʋchi li isht ilbʋshʋt
.    
     Takanli hoka, sa chu̱kʋsh ash osh
 Nukha̱klot, sa haknip moma hokʋt
.    
     Wʋnnihinchit bihinla.

[V2]
 Tʋli tahlahla̱ka halupa yosh
.    
     Sa chu̱kʋsh ma a hlopulli:
 Sai okchalinchi ibbak, iyi ya̱
.    
     Chufak osh ahonʋhla:
 Okchalinchi yokʋt nan ashʋchi
.    
     Ʋlhtoba hoka ant hʋsh pisashke;
 Ho minta cha, ant hʋsh i̱ yihi̱mmi
.    
     Cha, oh anukchieto.

[V3]
 Ai a̱hli hosh heh ahnit i̱ hulló,
.    
     Ik hʋsh illo itin takla;
 Hʋch ai okcha̱ya yoke; heh ahní,
.    
     Ik hʋch illo takla 'k osh:
 Sai okchalinchi yoka pihi̱sá,
.    
     Iti 'taiyukhʋna ashatapʋt
 Takali kʋt, nan ashʋchi 'lbʋsha
.    
     Isht ʋlhtobʋt takali.

[V4]
 Sa chu̱kʋsh ʋt nan ai ashʋchi li
.    
     Isht yaha̱ya, isht yaha̱ya;
 Ikikkeh! Ʋm anukfila momʋt
.    
     Nukhaha̱klot, nukha̱klo.
 Yʋmohmi ma sai okchalinchi ya̱
.    
     I̱ hullo li hokʋt, sa chu̱kʋsh a̱
 Ai oklu̱ha ʋm alotowʋshke;
.    
     Sai okchalinchi yoke.</lyrics>
<title>Christ on the Cross ƲIT45</title>
<time_sig>10.8.10.7.10.10.10.7.</time_sig>
</song>